“Австрали улс хоёр талт харилцаагаа сайжруулахын тулд түрүүлж ямар нэг алхам хийх ёстой” гэж БНХАУ-ын Худалдаа хариуцсан төлөөлөгч байр сууриа илэрхийллээ.

Ингэхдээ "Австралийн тал юу хийх ёстойгоо сайн мэдэж байгаа" гэдгийг онцолжээ. Австрали улс “COVID-19” цар тахлын эх үүсвэрийг судлахын тулд судлаачдыг Ухань хот руу нэвтрүүлэх хүсэлт тавьснаар хоёр улсын харилцаа муудаж эхэлсэн юм. БНХАУ Австралийн арвайн импортод тариф тогтоож, нүүрс, зэс, дарс зэрэг нийт долоон бүтээгдэхүүний импортод хориг тавиад байна. Австралийн талаас энэ үйлдлийг "Эдийн засгийн дарамт" гэж үзэж буйгаа илэрхийлжээ.

"БНХАУ-ын 5G сүлжээ, дижитал бүтээгдэхүүнүүдийг импортлохдоо Австрали улс өөрсдийн дураар дүрэм тогтоохын оронд Дэлхийн худалдааны байгууллагын зарчмыг дагах хэрэгтэй" гэж БНХАУ үзэж байгаа юм.

Б.Батцэцэг

Холбоо барих: battsetseg.b@bloombergtvmongolia.com

minjma.g@bloombergtvmongolia.com