“Nike” компанийн II улирлын орлого болон ашгийн хэмжээ “Wall Street”-ийн шинжээчдийн таамгаас давж, хувьцааных нь ханш өслөө.

11 дүгээр сарын 30-нд эцэслэсэн улиралд тус компанийн борлуулалт 8.9 хувиар өсөж, 11.2 тэрбум ам.доллар хүрсэн байна. БНХАУ цар тахлын хүнд байдлаас сэргэж, хүмүүсийн худалдан авалт эрчимтэй нэмэгдсэн аж. Мөн агуулахууд дахь нөөцөө худалдахын тулд сурталчилгааны зардлаа тэлсэн нь үүнд нөлөөлжээ. Түүнчлэн цар тахлын үед цахим худалдаанд түлхүү хөрөнгө оруулснаар цахим борлуулалт нь энэ хугацаанд 84 хувиар өссөн байна.

Одоогоор тус компанийн салбар дэлгүүрүүдийн 90 хувь нь үйл ажиллагаа явуулж байгаа юм. Борлуулалт нь хурдацтай сэргэж буй тул “Nike” компани ирэх оны эхний хагаст шинээр 30 дэлгүүр нээхээр төлөвлөж байгаа юм байна.

М.Эрхэс

Холбоо барих: erkhes.m@bloombergtvmongolia.com

minjma.g@bloombergtvmongolia.com