Ган үйлдвэрлэлээр тэргүүлэгч БНХАУ-ын Хэбэй мужид “коронавирус”-ийн халдвар дахин дэгдэж, хөл хорио тогтоосноор төмрийн хүдэр болон гангийн эрэлт буураад байна.

Хэбэй муж нь БНХАУ-ын нийт ган үйлдвэрлэлийн 22 хувийг дангаараа хангадаг. Тус мужид “коронавирус”-ийн халдвар дэгдсэний улмаас хөл хорио тогтоож, мужаас гарах хөдөлгөөнийг зогсоогоод байгаа аж. Хэдий тийм боловч тус муж дахь гангийн үйлдвэрүүд халдвараас сэргийлэх шаардлагатай арга хэмжээг авсан тул үйлдвэрлэл зогсохгүй, харин тээвэрлэлтэд саад учирч болзошгүй гэж тус улсын Төмөр, гангийн холбооноос мэдэгдээд байна.

Пүрэв гарагийн өглөөний байдлаар Далянийн Таваарын биржид төмрийн хүдрийн фьючерс үнэ 0.33 хувиар өсөж, тонн нь 1042 юань болоод байна.

Б.Батцэцэг

Холбоо барих: battsetseg.b@bloombergtvmongolia.com

minjma.g@bloombergtvmongolia.com