АНУ-ын Ерөнхийлөгч Жо Байден эрх мэдлээ шилжүүлж авсантай зэрэгцээд БНХАУ-ын Засгийн газар АНУ-ын Төрийн нарийн бичгийн дарга асан Майкл Помпео тэргүүтэй Дональд Трампын засаг захиргааны албан тушаалтнуудад хориг тавилаа.

Энэ нь үүрэгт ажлаа хүлээлгэн өгч буй албан тушаалтнуудад хариу арга хэмжээ авч, тэднийг орлох дараагийн хүмүүстэй холбогдоход нээлттэй байгаагаа харуулсан гэж тайлбарлаж байна.

БНХАУ-ын Гадаад хэргийн сайдын мэдээлснээр нийт 28 хүнийг хилээрээ нэвтрүүлэхгүй байхаар шийдвэрлэсэн аж. Тэдний дунд АНУ-ын Ерөнхийлөгч асан Дональд Трампын Үндэсний аюулгүй байдал, Худалдааны зөвлөхөөр ажиллаж байсан хүмүүс, АНУ-аас НҮБ-ын дэргэд суугаа Элчин сайд багтаж буй юм.

Хоригт багтсан хүмүүс болон тэдний гэр бүлийнхэн мөн БНХАУ, Хонгконг, Макаод нэвтрэх эрхгүй болж, БНХАУ-тай ямар нэгэн бизнес хийх боломжгүй болжээ.

О.Адьяасүрэн

Холбоо барих: adiyasuren.o@bloombergtvmongolia.com

minjma.g@bloombergtvmongolia.com