Энэ оны II улиралд БНСУ-ын эдийн засаг өмнөх улирлаасаа 0.5 хувиар тэлсэн гэж тус улсын Төв банкнаас мэдээллээ. Тус улсын дотоодын нийт бүтээгдэхүүн өнгөрсөн оны мөн үеэс 3.5 хувиар өссөн байна. Үүнээс өмнө буюу I улиралд БНСУ-ын эдийн засгийн жилийн өсөлт 3.9 хувьд хүрч байсан юм. Харин энэ удаагийн өсөлтөд химийн гаралтай болон техник, технологийн бүтээгдэхүүний экспорт голлон нөлөөлсөн гэдгийг тус улсын Төв банк онцолжээ. Түүнчлэн энэ он гарсаар тус улс орон сууцны барилгын ажил болон цахилгаан бараа, бүтээгдэхүүнийхээ үйлдвэрлэлийг нэмэгдүүлсэн нь дотоодын нийт бүтээгдэхүүний өсөлтийг дэмжсэн байна. БНСУ-ын Төв банк өнгөрсөн сарын дундуур энэ оны өсөлтийн төлвөө 3.8 хувь болгож танаснаас гадна бодлогын хүүгээ 2.25 хувь болгон бууруулаад байгаа юм. 

О.Анударь 

Холбоо барих: anudari.o@bloombergtvmongolia.com 

minjma.g@bloombergtvmongolia.com