АНУ-ын Ерөнхийлөгч Барак Обама Энэтхэг дэх айлчлалаа өндөрлүүлж, Саудын Арабт айлчиллаа. Дөрвөн цаг үргэлжлэх айлчлалынхаа хүрээнд АНУ-ын Төрийн тэргүүн Абдулла хааны дурсгалыг хүндэтгэн, хааны гэр бүлд эмгэнэл илэрхийлж, шинэ угсаа залгамжлагч Салман хаантай уулзжээ. Саудын Араб нь Сири болон Ирак дахь лалын зэвсэгт босогчдын эсрэг АНУ-ын тэмцэлд нэгдсэн лалын шашинт цөөн улсуудын нэг юм. Энэ ч утгаараа энэ удаагийн уулзалтаар хоёр улсын удирдагчид Ойрхи Дорнод дахь аюулгүй байдал болон лалын босогчидтой тэмцэх арга замуудын талаар хэлэлцсэн байна. Түүнчлэн хүний эрх болон газрын тосны нийлүүлэлтийн асуудлыг хөндсөн аж. Уулзалтын үеэр шинээр угсаа залгамжлагч Салман хаан гадаад бодлогоо өөрчлөлгүй хэвээр хадгална гэдгээ онцолсон байна. Энэ нь Саудын Араб АНУ-тай тогтоосон харилцаагаа цаашид ч хэвээр хадгалах хүсэлтэй байгаагийн илрэл гэж ажиглагчид дүгнэжээ.

Э.Эрдэнэтуяа

Холбоо барих: erdenetuya.e@bloombergtvmongolia.com

minjma.g@bloombergtvmongolia.com