Намрын чуулганаар банкны салбартай холбоотой хэд хэдэн хуулийн төслийг хэлэлцэж байгаа нь анхаарал татаж байна.

Банк, эрх бүхий хуулийн этгээдийн мөнгөн хадгаламж, мөнгөн хөрөнгийн шилжүүлэг, зээлийн үйл ажиллагааны тухай хуулийн шинэчилсэн найруулгын төслийг УИХ хэлэлцэхийг дэмжээд байгаа юм.

Хуулийн төсөлд:

- Харилцах дансыг нэр томьёоны хувьд төлбөрийн данс болгож өөрчлөн төлбөрийн дансны үлдэгдэлд хүү төлөхгүй байх

- Санхүүгийн тогтвортой харилцаа үүсгэсэн харилцагчид түүний данстай холбоотой мөнгөн хадгаламж

- Мөнгөн хөрөнгийн шилжүүлэг, зээлийн үйлчилгээг цахим хэлбэрээр үзүүлж болох талаар тусгажээ.

Мөн FATF-ийн зөвлөмжтэй холбоотойгоор гаднын аж ахуйн нэгж, иргэн, дотоодын иргэн, аж ахуйн нэгж данс нээхдээ өөрийн эцсийн өмчлөгчөө тодорхойлох зохицуулалтыг тусгасан нь анхаарал татаж байна.

Төсөлд зөвхөн гадаадаас валютаар ашиг, орлого олдог тохиолдолд валютын зээл олгодог байх зохицуулалтыг хуульчлахаар төсөлд тусгасан тухай хэлэлцүүлгийн үеэр хууль санаачлагчид онцолжээ. "1995 оноос хойш огт хөндөгдөөгүй байсан хуульд 25 жилийн дараа цаг үеийн шаардлагаар шинэчлэлт хийх гэж байгаа"-г УИХ-ын гишүүн Б.Жавхлан онцолж байна.

Түүнчлэн УИХ Банкны тухай хуульд нэмэлт өөрчлөлт оруулах тухай хуулийн төслийг хэлэлцэхийг дэмжсэн юм.

Хуулийн төсөлд:

- Банк нь зөвхөн хувьцаат компани хэлбэртэй байх тухай

- Аливаа этгээд банкны саналын эрхтэй хувьцааны 20-иос дээш хувийг эзэмшихийг хориглох тухай

- Банкны жижиг хувьцаа эзэмшигч, даатгагдсан хадгаламж эзэмшигчийн эрхийг нэхэмжлэлийн дараалалд өөрчлөлт оруулж хамгаалах зохицуулалтыг тусгаад байна.

Б.Бямбасүрэн | @byambasuren_b

Холбоо барих: byambasuren.b@bloombergtvmongolia.com

minjma.g@bloombergtvmongolia.com