Газрын тосны үнэ болон цооногуудын тоо өссөнөөр АНУ-ын газрын тосны гарц 2022 онд 3.5 хувиар өснө гэж тус улсын Засгийн газар тооцоолсон байна.

2022 онд АНУ өдөрт дунджаар 11.49 сая баррель олборлоно гэж тус улсын Эрчим хүчний мэдээллийн удирдах газар тооцоолоод байгаа ажээ. АНУ дахь газрын тосны цооногуудын тоо сүүлийн долоон долоо хоногийн туршид өсөж, өнгөрсөн оны тавдугаар сараас хойших дээд түвшинд хүрээд байгаа талаар “Baker Hughes” байгууллага мэдээлсэн байна. Түүнчлэн АНУ-ын Эрчим хүчний мэдээллийн удирдах газар 2022 онд брент төрлийн газрын тосны үнэ баррель нь 53 ам.доллар, WTI төрлийн газрын тосны үнэ баррель нь 49 ам.доллар орчим байна гэж тооцоолжээ.

Лхагва гарагийн өглөөний байдлаар брент төрлийн газрын тосны үнэ 1.01 хувиар өсөж, баррель нь 57.15 ам.доллар байна. Харин WTI төрлийн газрын тосны үнэ 0.9 хувиар өсөж, баррель нь 53.69 ам.доллар болжээ.

Б.Батцэцэг

Холбоо барих: battsetseg.b@bloombergtvmongolia.com

minjma.g@bloombergtvmongolia.com