АНУ-д хуванцар болон металлын захиалга нэмэгдсэнээр тус улсын үйлдвэрлэлийн салбарын үзүүлэлт өнгөрсөн сард огцом өсчээ. Тус улсын нийлүүлэлтийн менежментийн хүрээлэнгээс гаргадаг үйлдвэрлэлийн индекс наймдугаар сард 59 нэгжид хүрч, сүүлийн гурван жилийнхээ дээд өсөлтийг үзүүлсэн байна. Түүнчлэн энэ хугацаанд хуванцар болон металлын захиалга сүүлийн 10 жилд байгаагүйгээр эрчимжсэн гэж тус байгууллагаас мэдээллээ. Тухайлбал автомашины борлуулалт өсөлттэй байгаа болон шинэ тоног, төхөөрөмжийн бизнесийн зарцуулалт сайжирсан нь АНУ-ын үйлдвэрүүдэд эергээр нөлөөлж байгаа юм байна. Харин энэхүү өсөлтөө тогтвортой хадгалж үлдэхийн тулд тус улс цалингийнхаа өсөлтийг эрчимжүүлэх хэрэгтэй гэж шинжээчид үзжээ. Ингэснээр АНУ-ын айл өрхүүдийн худалдан авалт зөвхөн автомашинаар хязгаарлагдахгүй гэдгийг мэргэжилтнүүд онцолж байна. 

О.Анударь 

Холбоо барих: anudari.o@bloombergtvmongolia.com 

minjma.g@bloombergtvmongolia.com