АНУ-ын Жоржиа мужийн Сенатын сонгуульд Ардчилсан нам ялалт байгуулсантай холбоотойгоор никель, зэсийн үнэ өслөө. Одоогоор тус улсын Сенатад Ардчилсан нам давуу эрхтэй болоод байна.

Ингэснээр Ерөнхийлөгчөөр сонгогдогч Жо Байдены дэд бүтцийн салбарыг дэмжих нэмэлт төсөв баталж, байгаль орчинд ээлтэй төслүүд хэрэгжүүлэх санал дэмжигдэх магадлал нэмэгдэж байгаа юм. Энэ нь никель, зэсийн эрэлтийн төлөвт эергээр нөлөөлж, зэсийн үнэ 2013 оны хоёрдугаар сараас хойших дээд түвшинд хүрээд байна. Харин никелийн үнэ сүүлийн зургаан жилийн дээд түвшинд хүрчээ.

Баасан гарагийн өглөөний байдлаар Лондоны Металлын биржид зэсийн фьючерс үнэ 1.76 хувиар өсөж, тонн тутамдаа 8179 ам.доллар болоод байна. Харин никелийн фьючерс үнэ 0.9 хувиар өсөж, тонн нь 17929 ам.доллар байна.

Б.Батцэцэг

Холбоо барих: battsetseg.b@bloombergtvmongolia.com

minjma.g@bloombergtvmongolia.com