АНУ-ын төв хэсгийн мужуудад цаг агаар эрс хүйтэрч, газрын тосны олборлолт саатсанаар гарц нь 30 гаруй хувиар буурчээ.

АНУ-ын хэмжээнд газрын тосны гарц өдөрт 3.5 сая баррелиар буурсан талаар эх сурвалж мэдээлсэн байна. Цаг агаар хүйтрэхээс өмнө тус улс өдөрт 11 сая баррель газрын тос олборлодог байсан аж. Тухайлбал: Техас мужид байрладаг АНУ-ын хамгийн том газрын тосны орд болох “Permian Basin”-ийн гарц 65 хувиар буурчээ. “Energy Aspects” байгууллагын шинжээч тус ордын гарц хоёрдугаар сарын 22-ны өдөр хүртэл хэвийн хэмжээндээ эргэн очихгүй байх магадлалтай гэдгийг онцолсон байна. Үүнтэй холбоотойгоор газрын тосны үнэ өсөөд байгаа аж.

Лхагва гарагийн байдлаар брент төрлийн газрын тосны үнэ 0.07 хувиар өсөж, баррель нь 63.42 ам.доллар болсон байна. Харин WTI-ийн хувьд үнэ нь 0.05 хувиар буурч, 60.02 ам.доллар болжээ.

Б.Батцэцэг

Холбоо барих: battsetseg.b@bloombergtvmongolia.com

minjma.g@bloombergtvmongolia.com