АНУ-ын Батлан хамгаалахын сайд Жэймс Мэттис Бээжинд айлчилж байна. Энэхүү айлчлал АНУ-ын Батлан хамгаалахын сайд сүүлийн дөрвөн жилийн хугацаанд анх удаа БНХАУ-д айлчилж байгаа гэдгээрээ энэ удаагийн айлчлал анхаарал татаж байгаа юм. Түүнийг БНАСАУ-ын асуудлаар БНХАУ-ыг хамтарч ажиллахыг уриална гэж ажиглагчид таамаглаж байна. БНХАУ-ын талаас Жэймс Мэттисийн айлчлалтай холбогдуулж “АНУ, БНХАУ батлан хамгаалахын салбарт хамтарч ажиллах нь чухал” гэж онцоллоо. БНАСАУ-ын асуудалд БНХАУ чухал үүрэгтэйг ажиглагчид онцолж байгаа юм. БНХАУ-ын Ерөнхийлөгч Ши Жиньпин сүүлд хийсэн мэдэгдэлдээ "БНХАУ Пхеньяны асуудалд өмнөх шигээ идэвх оролцоотой байна" гэдгээ мэдэгдсэн юм. Хэдий тийм боловч Жэймс Мэттисийн айлчлал АНУ, БНХАУ-ын дунд худалдааны асуудал даамжирсан үед болж байна. Энэ утгаараа түүний БНХАУ-ын эрх баригчидтай хийх уулзалт хэр үр дүнтэй болох нь тодорхойгүй байгаа ажээ.

Н.Номин-Эрдэнэ

Холбоо барих: nominerdene.n@bloombergtvmongolia.com

minjma.g@bloombergtvmongolia.com