АНУ-ын ажилгүйдлийн тэтгэмж хүсэгчдийн тоо 287 мянга болж сүүлийн найман жилийн доод түвшинд хүрсэн байна. Мөн ажилгүйдлийн тэтгэмж авагчдын тоо 21 мянгаар буурч, хоёр сая 381 мянга болжээ. Энэ нь америкчуудын итгэлийг сайжруулаад зогсохгүй эдийн засгийн өсөлтийн хэтийн төлвийг нэмэгдүүлж байгаа талаар АНУ-ын Хөдөлмөрийн яамнаас онцолжээ. Тодруулбал хэрэглэгчийн хандлагыг харуулдаг “Bloomberg"-ийн хэрэглэгчийн итгэлийн индекс өнгөрсөн долоо хоногт 36.8 болж, хоёр нэгжээр нэмэгдсэн байна. Хэдийгээр ажилгүйдлийн тэтгэмж хүсэгчдийн тоо буурахад тодорхой шалтгаан байгаагүй гэж Хөдөлмөрийн яамнаас мэдэгдэж байгаа ч шинжээчдийн зүгээс ажилгүйдлийн түвшин буурсантай холбон тайлбарлажээ. Есдүгээр сарын байдлаар АНУ-ын ажилгүйдлийн түвшин 5.9 хувиар буурч, 248 мянган шинэ ажлын байр бий болоод байгаа юм.

Э.Эрдэнэтуяа

Холбоо барих: erdenetuya.e@bloombergtvmongolia.com

minjma.g@bloombergtvmongolia.com