АНУ хоригоо чангатгаснаар ОХУ-аас Германд байгалийн хий нийлүүлэх “Nord Stream 2” хийн хоолойн бүтээн байгуулалтын ажил дахин саатлаа.

Балтын тэнгис дэх Данийн мэдлийн нутагт хийн хоолой суурилуулах ажлыг эхлүүлэхээс хэдхэн хоногийн өмнө АНУ тус төсөлд тавьсан хоригоо чангатгаад байна. Улмаар Швейцарын даатгалын “Zurich Insurance”, Германы инженерчлэлийн үйлчилгээ үзүүлдэг “Bilfinger” тэргүүтэй хэд хэдэн компани төслийн ажилд үргэлжлүүлэн оролцохгүй гэдгээ мэдэгджээ. Ингэснээр “Nord Stream 2” төслийн ажил саатаж, хэзээ үргэлжлэх нь тодорхойгүй болоод байна.

Энэхүү төслийн үр дүнд АНУ Европын орнуудыг ОХУ-аас хэт хамааралтай болно гэж үзэн төслийн ажилд оролцож буй компаниудад хориг тавиад байгаа юм.

Б.Батцэцэг

Холбоо барих: battsetseg.b@bloombergtvmongolia.com

minjma.g@bloombergtvmongolia.com