Дөрөвдүгээр сард шинээр ажилд орсон АНУ-ын иргэдийн тоо өмнөх сараас өсснөөр ажилгүйдлийн түвшин дөрвөн жилийн хамгийн доод түвшиндээ буюу 7.6 хувиа хадгалж магадгүй гэж эдийн засагчид үзсэн байна. Энэ нь тус улсын төсвийн таналтаас үүдэн хөдөлмөрийн зах зээлд тогтворгүй байдал үүсээгүйг харуулж байгаа бөгөөд албан ёсны хөдөлмөр эрхлэлтийн тайланг АНУ-ын Хөдөлмөрийн яам тавдугаар сарын 3-нд гаргах юм байна. Блумбергийн судалгаагаар энэ сард шинээр ажилд орсон иргэдийн тоо 150 мянгад хүрсэн байж магадгүй байгаа ба өнгөрсөн сард АНУ-ын хэмжээнд 88 мянган иргэн шинээр ажилд орсон байна. Ажилгүйдлийн түвшинг 6.5 хувь болгож бууруулах АНУ-ын Засгийн газрын зорилтыг биелүүлэхэд шинэ ажлын байрыг хурдан нэмэгдүүлэх шаардлагатай гэдгийг Холбооны нөөцийн сангийн бодлого тодорхойлогчид хэлж байгаа. Гэвч Конгрессийг төсвийн мэдээллээр хангадаг Засгийн газрын агентлагийн тооцоолсноор өнгөрсөн сараас хэрэгжиж эхэлсэн төсвийн таналтаас үүдэн 2013 онд АНУ-ын эдийн засгийн өсөлт 0.6 хувиар буурч магадгүй байгаа ажээ. 

Э.Анхбаяр 

Холбоо барих: ankhbayar.e@bloombergtvmongolia.com