Өнгөрсөн тавдугаар сарын байдлаар АНУ-ын худалдан авах гэрээ нь хийгдсэн хуучин орон сууцны тоо сүүлийн дөрвөн жилийнхээ дээд хурдаар нэмэгджээ. Энэ нь орон сууцны салбарын үзүүлэлт сэргэж байгааг дахин илтгэсэн хэрэг боллоо гэж шинжээчид дүгнэж байна. Дөрөвдүгээр сард 0.5 хувийн өсөлттэй байсан гэрээ нь хийгдсэн хуучин орон сууцны индекс тавдугаар сард 6.1 хувиар өссөн гэж АНУ-ын Реалторуудын холбооноос мэдээллээ. Энэ нь шинжээчдийн таамгаас 4.6 хувиар давсан үзүүлэлт болж байгаа ажээ. Ипотекийн зээлийн хүү буурснаас гадна орон сууцны үнэ өссөөр байгааг “Capital Economics” байгууллагаас онцолж байна. Тиймээс орон сууцны салбарын өсөлт удаан үргэлжилвэл олон хэрэглэгч орон сууц худалдан авна гэж тус байгууллага үзжээ. Үүнээс гадна өнгөрсөн сард АНУ-ын аж үйлдвэрлэлийн салбарт бага зэрэг удааширсан байдал ажиглагдсан байна. Өөрөөр хэлбэл зургадугаар сард Ханган нийлүүлэгчдийн институтийн бизнесийн индекс өмнөх сараасаа 2.9 нэгжээр буурч, 62.6 нэгж болсон байна.

Д.Хаш-эрдэнэ 

Холбоо барих: khasherdene.d@bloombergtvmongolia.com

minjma.g@bloombergtvmongolia.com