2021 онд АНУ-д моргейжийн зээлийн хүү дахин түүхэн доод түвшинд хүрлээ. 30 жилийн хугацаатай зээлийн хүү 2.65 хувь болсноор сүүлийн 50 жилийн доод түвшинд хүрээд байна.

“Коронавирус”-ийн тархалт дэгдсэнээс хойш АНУ моргейжийн зээлийн хүүг 17 дахь удаагаа ийнхүү бууруулаад байна. Энэ нь цар тахлын үед орон сууцны борлуулалтыг өсгөх гол түлхэц болж буй юм. Харин энэ онд зээлийн хүү аажмаар өсөх хандлагатай байна гэж “Freddie Mac” компанийн ахлах эдийн засагч таамаглаж байна.

Зээлийн хүү тогтмол буурч байгаа нь орон сууцны үнэ буурахад нөлөөлж байгаа ч цаашид зээлийн хүү өсөж эхэлбэл үнэ өсөж, улмаар иргэдийн худалдан авах чадвар буурна гэж “HSH.com”-ийн дэд Ерөнхийлөгч онцолжээ.

С.Өнөрсайхан

Холбоо барих: unursaikhan.s@bloombergtvmongolia.com

minjma.g@bloombergtvmongolia.com