АНУ-ын Ерөнхийлөгч Дональд Трамп “Ant Group”-ийн “Alipay” тэргүүтэй БНХАУ-ын төлбөр тооцооны найман платформд хориг тавилаа.

Өөрөөр хэлбэл 45 хоногийн турш эдгээр платформыг ашиглан АНУ-ын зах зээлд төлбөр тооцоо хийх боломжгүй болж байна. Энэ нь Дональд Трамп Ерөнхийлөгчийн албан тушаалаа хүлээлгэн өгөхөөс өмнө БНХАУ-ын технологийн компаниудын эсрэг авч буй дараагийн алхам гэж тайлбарлаж байгаа юм. Хэдий тийм боловч энэхүү алхам нь олон улсын худалдаа, төлбөр тооцооны системд доголдол үүсгэх эрсдэлтэйг шинжээчид анхааруулж байна.

Үндэсний аюулгүй байдалд заналхийлж буй гэх шалтгаанаар Дональд Трампын засаг захиргаа БНХАУ-ын томоохон компаниудад удаа дараа хориг тавиад байгаа аж. Энэ удаагийн хориг нь өнгөрсөн жилийнхтэй төстэй, илүү өргөн хүрээг хамарсан байгааг “Steptoe & Johnson”-ийн шинжээч онцолжээ.

О.Адьяасүрэн

Холбоо барих: adiyasuren.o@bloombergtvmongolia.com

minjma.g@bloombergtvmongolia.com