Их Британийн айл, өрхүүдийн хоол, хүнсний хаягдлын хэмжээ хэт өндөр байна гэж эрх баригчид нь болгоомжилж эхэлсэн байна. Тус улсын Байгаль орчин, хүнс, орон нутгийн асуудал хариуцсан хорооны мэдээлснээр 2015 онд 7.3 сая тонн хоол, хүнсний хаягдал гарчээ. Үүнтэй холбоотойгоор "Олон улсын хэмжээнд үйлдвэрлэсэн хоол, хүнсний гуравны нэг нь хаягдал болдог. Их Британийн хувьд жил тутамд 10 тэрбум фунт стерлингийн хоол, хүнсийг хаягдал болгон гаргадаг" талаар тус хорооноос мэдээлжээ. Өөрөөр хэлбэл энэ нь нэг талаасаа эдийн засгийн хор хохиролтой, мөн байгаль орчинд хөнөөлтэй гэх мэт олон хүчин зүйл байгаа юм. Мөн албаны гаргасан энэхүү тайланд дурдсанаар Их Британид нэг хүнд ногдох хүнсний хаягдлын өртөг жилд 200 фунт стерлингт хүрдэг байна. Дундаж айл өрхийн хувьд 470 фунт стерлинг, хүүхэдтэй бол 700 фунт стерлингийн хоол хүнсээ хаядаг ажээ.

Т.Элиса

Холбоо барих: elisa.t@bloombergtvmongolia.com

minjma.g@bloombergtvmongolia.com