АНУ-ын Ерөнхийлөгчөөр сонгогдогч Жо Байден цар тахлын үед эдийн засгийг дэмжих нэмэлт төсөв батлах санал гаргалаа. Үүний зэрэгцээ ам.долларын ханш чангарч, алтны үнэ сүүлийн хоёр сарын хугацаан дахь хамгийн их дүнгээр буураад байна.

АНУ-д “коронавирус”-ийн халдварын тархалт эрчимжиж, цалингийн хэмжээ дөрөвдүгээр сараас хойш анх удаа буурчээ. Үүнтэй холбоотойгоор Жо Байден цар тахлын үед хэрэгжүүлэх арга хэмжээнүүдэд зориулсан нэмэлт төсөв батлах санал гаргаад байгаа юм. Төсвийн саналыг тэрбээр нэгдүгээр сарын 14-нд танилцуулах товтой байна.

Алтны спот үнэ баасан гарагт 3.4 хувиар буурсан нь өнгөрсөн оны 11 дүгээр сараас хойших хамгийн их дүнгээр буурсан үзүүлэлт боллоо. Харин даваа гарагийн өглөөний байдлаар алтны спот үнэ 0.61 хувиар буурч, унц нь 1837.78 ам.доллар болоод байна.

Б.Батцэцэг

Холбоо барих: battsetseg.b@bloombergtvmongolia.com

minjma.g@bloombergtvmongolia.com