АНУ-ын эдийн засгийн төлвийн талаарх сөрөг хүлээлт нийгэмд нэмэгдсэнтэй зэрэгцэн тус улсын хэрэглэгчийн итгэлийн индекс гурван сарын хамгийн доод түвшиндээ хүрч буурлаа. Өнгөрсөн сард 78.6 нэгж байсан АНУ-ын хэрэглэгчийн итгэлийн индекс дөрөвдүгээр сард 76.4 болж буурсан байна. Ийнхүү тус улсын хэрэглэгчийн итгэлийн индекс буурсан нь Америкчуудын худалдан авалт буурч магадгүйг илтгэж байгаа аж. Үүнээс гадна шинжээчдийн зүгээс цалингийн татвар нэмэгдэж, ажлын байрны өсөлт удааширсан энэ үед хэрэглэгчид илүү хэмнэлттэй хэрэглээг чухалчилж байгааг онцолжээ. Гэхдээ орон сууцны зах зээлд өсөлт гарч байгаа нь үл хөдлөх хөрөнгийн ханш болон айл өрхийн орлого өсөхөд түлхэц болж байгаа нь эдийн засгийн 70 орчим хувийг бүрдүүлдэг худалдан авалт өсөхөд нөлөөлсөн байна.

Э.Анхбаяр

Холбоо барих: ankhbayar.e@bloombergtvmongolia.com