Австралийн хөдөлмөр эрхлэгчдийн тоо 11.5 сая болж буурав
Өнгөрсөн сарын байдлаар Австралийн ажилгүйдлийн түвшин 6.1 хувь болж өмнөх сарынхаас 0.1 хувиарөссөн талаар тус улсын Статистикийн хороо мэдээллээ. Ингэснээр тус улсын нийт хөдөлмөр эрхлэгчдийн тоо 29,700-аар буурч 11.5 сая болсон байна. Харин ажил идэвхтэй хайгч иргэдийн түвшин 0.2 хувиар буурч 64.5 хувьд хүрчээ. Шинжээчид Австралийн 7, 8 дугаар сарын хөдөлмөр эрхлэлтийн мэдээллийг найдвар төрүүлэхүйц бус гэж үзсэн учраас Статистикийн хороо нь дахин шалгасан байна. Үүний дүнд наймдугаар сард 121 мянган ажлын байр нэмэгдсэн гэх мэдээлэл 32 мянга болж буурчээ. Хөдөлмөр эрхлэлтийн мэдээлэл огцом өөрчлөлттэй гарч байгаа шалтгааны талаар Австралийн Статистикийн хороо тайлбар хийгээгүй ч мэдээлэл боловсруулах аргаа дахин хянана гэж мэдэгдсэн байна.
Э.Эрдэнэтуяа
Холбоо барих: Erdenetuya.e@bloombergtvmongolia.com
Tsatsralt.b@bloombergtvmongolia.com